සුපිරි අධිවේග මුහුදු සංදාම පද්ධතියෙහි හුවමාරු මධ්‍යස්ථානය විවෘත කෙරේ. SEA-ME-WE 5

0
25
views

දකුණු ආසියානු කලාපයේ වැඩිම ඉල්ලූමක් ඇති දත්ත සම්ප්‍රේෂණ කේන්ද්‍රස්ථානයක් වශයෙන් ශ්‍රී ලංකාවට හිමි ස්ථානය තවදුරටත් ඉහළ නංවමින් ශ්‍රී ලංකා ටෙලිකොම් පී.එල්.සී ආයතනය විසින් මාතර ප්‍රදේශයේ ස්ථාපිත කරන ලද SEA-ME-WE 5 මුහුදු සංදාම පද්ධතියෙහි හුවමාරු මධ්‍යස්ථානය ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් අද (02) පස්වරුවේ විවෘත කෙරිණි.

ශ්‍රී ලංකාව වෙත 48 Tbps ක වේගයෙන් යුතු ගෝලීය බෑන්ඩ්විත් පරාසයක් හිමිකර දෙමින් අග්නිදිග ආසියානු, මැදපෙරදිග හා බටහිර යුරෝපීය කලාපයේ රටවල් 17 ක විදුලි සංදේශ සමාගම් රැසක සහභාගිත්වයෙන් ආරම්භකර තිඛෙන මෙම නවීන මුහුදු සංදාම පද්ධතිය ශ්‍රී ලංකා ආර්ථීකය ඩිජිටල්කරණ යුගයක් කරා පියවර තබමින් සිටින අවස්ථාවක ජාත්‍යන්තර සේවා සැපයූම් වඩා කාර්යක්ෂම කිරීම වෙනුවෙන් කි්‍රයාත්මක සුවිශේෂී ව්‍යාපෘතියකි.

මුහුදු සංදාම පද්ධතියෙහි හුවමාරු මධ්‍යස්ථානය මෙහිදී ගාල්ලේ සිට ඩිජිටල් තාක්ෂණය ඔස්සේ ජනාධිපතිතුමා අතින් විවෘත කෙරුණු අතර අනතුරුව ගාල්ලේ ස්ථාපිත රැහැන් ඩිපෝව සදහා මුල්ගල් තැබීම ද ඩිජිටල් තාක්ෂණය ඔස්සේ ජනාධිපතිතුමා අතින් සිදු විය.

අමාත්‍යවරුන්වන හරීන් ප්‍රනාන්දු, මංගල සමරවීර, රාජ්‍ය අමාත්‍ය ලක්ෂ්මන් යාපා අබේවර්ධන, නියෝජ්‍ය අමාත්‍ය තාරානත් බස්නායක, දකුණු පළාත් අමාත්‍ය චන්දිම රාසපුත්‍ර යන මහත්වරුන් ඇතුථ මැති ඇමතිවරු පිරිසක් ද ශ්‍රී ලංකා ටෙලිකොම් ආයතනයේ සභාපති කුමාරසිංහ සිරිසේන මහතා සහ අධ්‍යක්ෂ මණ්ඩලය ඇතුථ පිරිසක් මෙම අවස්ථාවට එක්ව සිටියහ.

( ඡායාරූප : උදේශ් ගුණරත්න – ජනාධිපති මාධ්‍ය අංශය )

LEAVE A REPLY

Please enter your comment!
Please enter your name here