තම ජීවිතය මරු තුරුලට යවමින් ජිවිත 28ක් බේරු උතුම් රියදුරුට වීර නාමයක්…

0
32
views

බණ්ඩාරවෙල සිට කොස්ගම  දක්වා ධාවනය වූ ගමනාගමන මණ්ඩලයට අයත් බස් රථයක් උඩ විහාරගල දී කාර්මික දෝෂයකට ලක්වූ අවස්ථාවේ අඩි දහසක පල්ලමකට යා නොදී බසය ගලක වැදීමට සලස්වා ජීවිතය 28ක් බේරා ගත් රියැදුරු  එච්.එම්. කීර්ති බණ්ඩාර පිළිබදව පසුගිය සමයේ බොහෝ සෙයින් කතාබහට ලක් වුනා. එහිදි සිය ජීවිතය කැප කර තවත් ජීවිත ගණනක් රැක දුන් එම වීර රියදුරු මහතාට වීර නාමයක් ලබා දෙන ලෙස ඔහුගේ ඥාතීන් ඉල්ලා සිටියි.

මෙම අනතුරින් බණ්ඩාරවෙල ඩිපෝවේ රියදුරෙකු ලෙස සේවය කළ කීර්ති බණ්ඩාරගේ ජීවිතය අහිමි විය.

තම පවුලේ ත්‍රිවිධ හමුදාවේ සේවය කරන නිලධාරීන් දෙදෙනකු සිටින බව පවසන ඔහුගේ ඥාතීන් ත්‍රිවිධ හමුදාවල සේවයේ නියුතුව සිටියදී මෙවැනි අවස්ථාවක මෙවැනි ක්‍රියාවක් කළේ නම් වීර විභූෂණ පදක්කම් ලැබෙන නමුත් ඩිපෝවල එවැනි තත්ත්වයක් නොමැති බවත් පවසයි.

තම සහෝදරයා ජීවිතය පරදුවට තබා ජීවිත ගණනාවක් බේරා ගත් බවත් ඔහු කළ ක්‍රියාව අමරණීය බැවින් එය එය සිහිවීම වෙනුවෙන් වීර නාමයක් ලැබෙනවා නම් සතුටක් බවත් මියගිය බණ්ඩාරගේ සහෝදරවරු සහ බිරිඳ ප්‍රියංගිකා නිල්මිණී මාධ්‍යයට පවසන අතර එම අනතුරෙන් කීර්ති විසින් ජීවිතය බේරා දුන් මගීන්ද ප්‍රකාශ කරන්නේ “තමන්ගේ ජීවිත බේරා දීමට සිය ජීවිතය කැපකළ කීර්ති හා මිය ගිය අනෙත් පුද්ගලයන් දෙදෙනා තමන්ට දෙවියන් හා සමාන බවයි”

අනතුරෙන් මියගිය කීර්ති බණ්ඩාර වෙනුවෙන් ඔහුගේ නිවසේ සිදුකල සිහිවටන ධර්ම දේශනය පසුගිය 6 වැනිදාද දානමය පුණ්‍යකර්මය පසුගිය 7ත් වැනිදාද යෙදී තිබිනි.

මිය ගිය කීර්ති බණ්ඩාර

LEAVE A REPLY

Please enter your comment!
Please enter your name here