අර්ජුන් මහේන්ද්‍රන් නිර්දෝෂී බව පෙන්වන්නට අගමැතිවරයා උත්සාහා දරනවා. වාසු

0
25
views

(විනීතා එම් ගමගේ)

බැඳුම්කර කොමිසම ඉදිරියට පැමිණ කරුණු පැහැදිලි කිරීමට කැමති බව අගමැතිවරයා පවසන්නේ එම කොමිසම ඉදිරියට ළඟදීම සාක්කි දීමට කැඳවන බවට හෝඩුවාවක් ලැබුණු නිසා විය හැකි යැයි පාර්ලිමේන්තු මන්තී‍්‍ර වාසුදේව නානායක්කාර මහතා ප‍්‍රකාශ කළේය.

අර්ජුන් මහේන්ද්‍රන් කිහිප අවස්ථාවක දීම නිර්දෝෂී බව පෙන්වන්නට අගමැතිවරයා උත්සාහ කළේ යැයි ද ඔහු කියා සිටියේ බොරැල්ල එන්. එම්. පෙරේරා මධ්‍යස්ථානයේ අද(16) පැවති සමාජවාදී ජනතා පෙරමුණේ මාධ්‍ය හමුව අමතමිනි.

‘‘මහ බැංකුවේ බැඳුම්කර වංචාවට අගමැතිගේ සම්බන්ධයක් තිබෙන බව මා විසින් දිගින් දිගටම කියා සිටීම දැන් අවධානයට යොමුවී තිබෙන බව පෙනෙනවා. මම 2015 අපේ‍්‍රල් මාසයේ පමණ බැඳුම්කර වංචාවේ දී අගමැතිත් විත්තිකාරයෙක් බව කියමින් පොලිස්පතිට ලිපියක් යැව්වා. මහ බැංකු අධිපති ගෙනාවේ ඔහුගේම වුවමනාවට. ඔහුගේම කැමැත්තෙන්. වෙනදා මුදල් අමාත්‍යංශය යටතේ තියෙන මුදල් අමාත්‍යංශ්‍ය ඔහුගේ යටතට ගත්තා. ඊළඟට මේ ප‍්‍රශ්නය මතුවූ අවස්ථාවේ ඔහු පාර්ලිමේන්තුවේ නැගිටලා අර්ජුන් මහේන්ද්‍රන් ආරක්ෂා වන පරදි ලොකු ප‍්‍රකාශයක් කළා. ඉන් අනතුරුව කෝප් කමිටුව තීරණය කළා මේකෙ වගකිවයුත්තා ඔහු බවට. දැන් ජනාධිපති කොමිසමෙන් එළිවෙන කරුණු වලිනුත් පෙනෙනවා මේකෙ වගකිවයුත්තන් කවුද කියන එක‘‘ යැයි ද නානායක්කාර මහතා කීය.

‘‘ඇමතිවරු දෙදෙනෙක් විරුද්ධ වෙද්දි ඇයි මේ තැනැත්තා මහ බැංකු අධිපති කළේ කියා අගමැති වග උත්තර බැඳිය යුතුයි. කරුණු එළිදරවු වෙද්දිත් කොහොමද මොහු ධූරයේ තබාගෙන රකින්න කටයුතු කළේ කියා කිව යුතුයි. ඔහු දිවුරුමකට භාජනය නොවන පරිදි තනතුරකට ගෙනාවේ කොහොමද? ව්‍යවස්ථා මණ්ඩලයෙන් නම්කළ යුතු තනතුරක් වන මහ බැංකු අධිපති තනතුර හුදෙක් අගමැති ගේ කැමැත්තට නම් කළේ කොහොමද කියා හෙළි කළ යුතුයි‘‘ යැයි ද ඔහු වැඩිදුරටත් පැවසීය.

LEAVE A REPLY

Please enter your comment!
Please enter your name here